Շառլ Օգյուստեն Կուլոնը
Շառլ Օգյուստեն Կուլոնը (Ծոուլոմբ) ծնվել է Ֆրանսիայում 1736թ. : Փարիզի ԳԱ անդամ է եղել։ Հետազոտել է մազերի, մետաքսաթելերի և մետաղալարերի ոլորումը և ձևակերպել այդ երևույթի օրենքները։ Հնարել է ոլորակշեռքը, որը հետագայում կիրառել է կետային էլեկտրական լիցքերի և մագնիսական բևեռների փոխազդեցությունը ուսումնասիրելու համար (Կուլոնի օրենք)։ 1781-ին նկարագրել է սահքի և ճոճման շփման վերաբերյալ կատարած փորձերը, ձևակերպել չոր շփման օրենքները։ Ցույց է տվել, որ էլեկտրական լիցքերը բաշխվում են հաղորդիչի մակերևույթով, մուծել է մագնիսական մոմենտի և լիցքերի բևեռացման հասկացությունները։ Կուլոնի փորձարարական աշխատանքները կարևոր նշանակություն են ունեցել էլեկտրամագնիսական երևույթների տեսության ստեղծման համար։ Շառլ Կուլոնը մահացել է Փարիզում 1806թ.: Նրա անունով է կոչվում էլեկտրականության քանակի միավորը (կուլոն)։
